Footer

2 menor de edad, naireport a nagtakaw

SUGPON. Ilocos Sur – Ubbing pay dagitoy ngem natureddan nga agtakaw.

Naireport iti polis da Marcos Cruz, 15, ken Carlos Agila, 13, (parbo ti naganda agsipud ta menor de edadda) agpada a residente iti Barangay Poblacion ditoy nga ili a simrek iti paraangan ni Dominga Angedan y Amboni ket nagpurosda iti bunga ti rambutan sada simrek iti balay ti baket ken kinurimes ti dua a lata ti sardinas ken Nokia a selpon.

Segun iti report, nasiputan ti agay-aywan dagiti dua a mannanakaw ket kinamatna ida ngem nakalibas dagitoy.

Inimbitaran dagiti polis dagiti suspek iti police station sada impaima dagitoy iti Municipal Social Welfare and Development Officer para iti umisu a disposision.#