2 minibus, nagsinnapgid

STO. DOMINGO, Ilocos Sur – Dua a minibus ti nagsinnapgid iti kalsada a sakup ti Barangay Vacunero ditoy nga ili idi agarup alas 6:00 ti bigat ti Mayo 23.

Iti report manipud iti police station ditoy, nagsinnapgid ti Jayson Bus a minaneho ni Marlon Arellano, 35, naasawaan, ken residente iti Barangay Manzante, Magsingal, Ilocos Sur ken ti Helen & Emy a minaneho ni Philip Barnachea, naasawaan, ken residente iti Poblacion East, San Ildefonso, Ilocos Sur a puon ti nakadadaelan dagiti side mirror dagitoy ken sikiganda.

Iti panagimbestiga dagiti polis, maysa a traysikel ti mapapati a nag-obertek iti Jayson Bus ngem nakasabatda ti Helen & Emy a puon ti nagsinnapgidan dagiti dua a minibus.

Nupay kasta, awan ti naireport a nadunor kadagiti pasahero dagiti dua a minibus