2 motorista a nagkarera, naaksidente

STO. DOMINGO, Ilocos Sur – Nagkarera dagitoy dua a motorista iti national highway, resulta: agpadada a nayospital kalpasan a nagsinnapgidda.

Iti report manipud iti polis ditoy, napasamak ti aksidente iti national highway a sakup ti Barangay Poblacion idi parbangon ti Oktubre 1.

Naitaray iti Metro Vigan Cooperative Hospital, Bantay, da Homer Piano y Urcia, 18, baro, tricycle driver, ken residente iti Barangay Puro, Magsingal, ken ni John Bernie Olit y Tabuyo, 17, ken residente iti Barangay Paguraper, Sto. Domingo gapu kadagiti dunorda iti nadumaduma a paset ti bagida.

Kuna dagiti inbestigador a naglumba dagiti dua nga agpaabagatan iti national highway idi aksidente a nagsinnapgidda a nakapukawanda iti kontrolda iti manibela a nakaikrasanda iti kalsada.#