2 motorsiklo nagdinnungpar, 2 nasugatan

CANDON CITY – Nasugatan ti driver ken dagiti pahinante ti dua a motorsiklo idi nagdinnungpar dagitoy iti barangay Paras, ditoy a siudad.

Nasugatan da Larry Dumaguien, driver ti amarilio nga XRM, addaan iti plaka AA-4439, laborer, ken residente iti Palacapac ken ti kaduana a ni Jansen Dizon, 16, ken residente iti nasao met laeng a lugar;  ken da Jay Viernes, 30, residente iti Calongbuyan, driver ti motorsiklo a Yingang, ken ti  asawana a ni Ronabel.

Segun iti inbestigasion ti polis,  sarsarunuen ni Viernes a nagmaneho iti Yingang  ti XRM a minaneho ni Dumaguien  ket ag-overtake koma ni Viernes ngem nagsikko ti XRM ket ditan a nagsinnapgidda.

    Gapu iti dayta, naikras dagiti lugan a puon ti nakasugatan dagiti naglugan iti nadumaduma a paset ti bagida ket naitarayda iti Candon City Hospital ken Resonable Clinic and Hospital.#