2 motorsiklo, nagdinnungpar

BANAYOYO, Ilocos Sur – Natukkol ti tumeng ti maysa idinto a nadundunor dagiti tallo pay idi nagdinnungpar ti naglugananda a motorsiklo iti national highway a sakup ti Poblacion ditoy itay nabiit.

Nagdinnungpar ti XRM a motorsiklo a minaneho ni Senny Bagbagen Comolio, 30, addaan asawa, residente iti Tiagan, San Emilio ken ti Euro a motorsiklo a minaneho ni Deo Mark Padilla, 17, ken nakiangkasan da Diokno Galang, 17, ken Julius Padilla, agpada nga agnaed iti Poblacion Lidlidda.

Mapapati a simmakup ti napaspas ti tarayna nga XRM iti linia ti Euro nga awan ti silawna idi parbangonĀ  ti nadakamat nga aldaw a puon ti nagdinnungparanda ken nakasugsugatan dagiti naglugan.

Ni Galang ti napakaruanĀ  ta natukkol ti kannigid a tumengna.

Naitaray dagiti biktima iti Candon General Hospital para iti pannakaagasda.#