Footer

2 motorsiklo, nagsinnapgid, 3 nasugatan

GALIMUYOD, Ilocos Sur.  Nasugatan ti drayber ken dua nga inluganna kalpasan a nakisinnapgid ti luganda a TMX 155 iti maysa a Honda Wave iti Candon-Salcedo road, a sakup ti Barangay Patac iti daytoy nga ili.

Nasugatan da Ricardo Pendaden, 56, ken residente iti Amguid, Candon City, ken dagiti dua a kaduana a da Reynaldo Pendaden, 17, kalugaranna, ken ni Rozell Arre, 16, residente iti barangay Patac, Galimuyod, Ilocos Sur.

Ti Honda wave 125,  awanan plaka, ket minaneho ni Rich Mangay-ayam, residente iti San Andres ditoy.

Segun iti report, umip-ipus ti Honda Wave iti maysa nga Starex van ket sumarsaruno met kadakuada ti Honda TMX bayat ti panagturongda iti daya a direksion. 

Nag-overtake ti Starex iti lugan iti sangona, simmaruno met da Mangay-ayam ken Pendaden ngem mapapati a nadiskalkula dagiti biktima ket napasamak ti aksidente.

Naipan iti Resonable Clinic dagiti biktima. Nadadael ti luganda.#