Footer

2 motorsiklo, nagsinnapgid

CANDON CITY – Nagsinnapgid ti dua a motorsiklo iti Barangay San Nicolas ditoy siudad a puon ti nakadunoran ti maysa a balasang.

Nasugatan ni Honey Girl Manzano, 18, residente iti Darapidap, Candon City idi nagsinnapgid ti motorsiklo a minanehona iti motorsiklo a nagluganan ni Cpl. Virgilio Talusig, 38, kameng ti Philippine Army a nakabase iti barangay Patac, Galimuyod, Ilocos Sur.

Segun iti inisial nga inbestigasion dagiti polis ditoy, agpakannigid ti Suzuki Shogun 125 a minaneho ni Talusig ngem sinapgid ti Hondan XRM a minaneho ni Manzano.

Naitaray ti biktima iti Candon City Hospital ditoy para iti pannakaagasna.#