STA. CATALINA, Ilocos Sur – Dua a motorsiklo ti naireport a natakaw manipud iti nakaigaraheanda sadiay Barangay Pangada ditoy nga ili.
Idi laeng Enero 3 nga inreport iti polis ni Julita Razonable y Ragucos, 66, balo, ken residente iti nadakamat a barangay, a mapukpukaw ti dua a motorsiklo a nairehistro iti nagan ti anakna a ni Michael Razonable y Ragucos.
Segun iti baket, idi pay la Disiembre itay napan a tawen a naikabil iti garahe ti balayda ti asul a Honda Wave 125 ken Yamaha MIO Soul nga awan ti bantayda.
Iti pannakaisurat daytoy, di pay ammo no asino ti nangitaray kadagiti motorsiklo.#