2 motorsiklo, natakaw

VIGAN CITY – Dua a motorsiklo ti natakaw ditoy siudad iti las-ud ti tallo nga aldaw iti umuna a lawas ti Nobiembre..

Natakaw idi Nobiembre 6 ti XRM a motorsiklo ni Giovani Antonio y Reburon, 23, baro, ken residente iti Barangay Borobor, Sto. Domingo, Ilocos Sur ken idi Nobiembre 3 ti XRM motorcycle ni Pebbie Rose Fontejon y Paz, 15, balasang, ken residente iti Barangay San Julian Norte, Vigan City.

Segun iti report, natakaw ti motorsiklo ni Antonio a  naiparking iti lauden a paset ti Legacy Super Club a masarakan iti Barangay I ditoy siudad idi agarup 2:52 ti bigat ti Nobiembre 6 idinto a natakaw met ti motorsiklo ni Fontejon a naiparking iti laud a paset ti Aniceto Mansion Hotel a masarakan iti Barangay I, Vigan City idi agarup 4:30 ti malem ti Nobiembre 3.

Iti pannakaisurat daytoy, di pay nabigbig ti nangitalaw kadagiti nasao a lugan.#