2 nakaro a nasugatan iti aksidente

CANDON CITY – Dua a tattao ti nakaro a nasugatan iti nakidinnungpar iti maysa a traysikel ti chop-chop motorcycle a naglugananda iti Barangay Calaoaan ditoy nga ili.

Nasugatan dagiti naglugan iti chopchop motorcycle a da Leanne Lagao, 16, Emmanuel Tobias, 2, agpada a residente iti sitio Lusod, barangay Calaoaan, ditoy siudad kalpasan a nakadinnungparda ti traysikel a minaneho ni  Joel Sugui, kalugaranda met laeng.

Iti inisial nga inbestigasion, sangonsango a nagdinnungpar dagiti dua a lugan iti masimsimpa a kalsada iti Barangay Calaoaan ditoy siudad.

Naitaray dagiti biktima iti Candon City Hospital sada naiyalis iti ospital iti San Fernando City.#