2 nasaplidan waya, kable, naiyospital

BANTAY, ILOCOS SURĀ  –Ā  Dua a motorista ti nadunor idi nasaplidan ida dagiti waya ti koriente ken kable a nasapgid ti maysa a trailer truck sadiay Zone 5, ditoy nga ili idi malem ti Agosto 13.

Binigbig dagiti polis ti drayber ti Hino trailer truck a nagkarga iti buldoser a ni Amor Cabuluan y Tagala, edad 38, baro ken residente iti Centro 3, Claveria, Cagayan.

Segun ti imbestigasion ti Bantay MPS, madama nga agdaldaliasat iti national highway a sakup ti Zone 5 ti Hino trailer truck a minaneho niĀ  Amor Cabuluan y Tagala, edad 38, baro ken residente iti Centro 3, Claveria, Cagayan idi nasapgid ti luganna ti waya ken kableĀ  ti Eagle Vision Inc. ISECO, Globe Telecom Aerial ken DIGITEL/PLDT Telecommunications a namagkubbo iti dua a konkreto a poste ken nagpukawan ti silaw.

Nagsagrap iti dunor niĀ  Rodolfo Florendo Jr,, edad 37, residente iti Encarnacion, Vigan City a nagmaneho iti asul a Honda XRM ken ni Jovy Suarez, edad 31, nagmaneho iti nangisit a Kawasaki tricycle ken residente iti Brgy. Tamag, Vigan City gapu ta nasaplidanda iti kable ken waya ti koriente.

Agpada a naitaray dagiti biktima idiay Metro Vigan Cooperative Hospital tapno mataming dagiti dunorda.Ā  Innala met dagiti polis ni Cabuluan, agraman ti behikulona para iti imbestigasion ken umno a disposision.#