2 nasugatan iti aksidente

STA. MARIA, Ilocos Sur – Dua ti nasugatan iti aksidente iti nagbaetan ti chopchop ken kotse idiay barangay Suso itoy nga ili.

Nabigbig dagiti biktima a da Warren, 16, ken ti kaduana a ni Violeta Doña, agkalugaran iti barangay Suso, itoy nga ili.

Iti inisial nga inbestigasion, agsikko koma iti kannigid ti chop-chop a motorsiklo a minaneho ni Warren ngem sumarsaruno gayam ti Toyota Alties, addaan plaka XFM-431, a minaneho ni James Saing, 29 anios, residente iti Guimod, San Juan, Ilocos Sur ket napasamak ti aksidente.

Naitaray dagiti biktima iti ospital.#