2 natay, 5 nasugatan iti nagbettak a granada

BAGUIO CITY – Dua a tao ti nagudas idinto a lima pay ti nasugatan idi bimtak a granada nga imbato dagiti di pay ammo a motorista iti maysa a matatao a lugar ditoy siudad iti malem ti Abril 21.

Naitaray iti Baguio General Hospital da Dio del Mundo ken Vio Joe Mendoza, agpada nga estudiante, ngem pimmusayda bayat ti pannakaagasda.

Nainaganan dagiti nadunor a da Rey Anthony Carino, Raul Andrade, Jerome Santos, Mark Dave San Mateo ken Lyndon Neocina.

Iti inisial nga inbestigasion dagiti polis, imbato ti dua a tao a naglugan iti motorsiklo ti granada iti Leonard Wood road.#