2 natay iti panagdinnungpar dagiti motorsiklo

SANTIAGO, Ilocos Sur – Dua ti natay idi nagdinnungpar dagiti minanehoda a motorsiklo┬á iti national highway iti Barangay Olo-olo Norte ditoy nga ili itay nabiit.

Iti inbestigasion dagiti polis, mapapati a nag-obertek ni Ramon Mamaclay, 18, residente iti San Roque, ditoy nga ili a nakalugan iti Suzuki Fury ngem nakasabatna ti Black Euro a minaneho ni Joseph Andres, 29, a sakayna ni Maritess Rebola, 28, residente iti Barangay Laslasong, Sta. Maria, Ilocos Sur ken sabali pay a Euro a minaneho ni Louie Tejada, 23, residente iti Balingaoan, Candon City a kaluganna ni Elimar Doldolao, 22, residente iti Balingaoan, Candon City.

Awanen ti biag ni Mamaclay a naidanon iti ospital. Natay met ni Tejada bayat ti pannakatamingna iti maysa nga ospital iti San Fernando City.#