2 natiliw iti drug operation

STA. CRUZ, Ilocos Sur – Dua a mapapati a drug pusher ti nanabtuog iti buy bust operation nga insayangkat ti kapolisan a pakaibilangan ti PDEA ISSET ken ti police station ditoy sadiay Barangay Pattiqui idi rabii ti Marso 17.

Natiliw da Emmanuel Putian y Sabroso, 41, ken Abraham Saguid y Miguel, 27, agpada a taga-Brgy. San Jose, Candon City, Ilocos Sur.

Nakumpiska kadakuada ti dua a heat-sealed transparent plastic sachet a mapapati a naglaon iti shabu, maysa a nalabaga a Nokia 105 cellphone, dua a sagsangaribu a marked money, ken dua a lighter.

Iti pannakaisurat daytoy, maisagsagana ti kaso maikontra kadagiti suspek.#