2 patrol boat, naited iti probinsia

VIGAN CITY – Dua a patrol boat ti inyawat ti Bureau of Fisheries and Aquatic Resources iti probinsia itay nabiit.

Kinuna ni Gov. Ryan Singson a maited ti maysa a patrol boat para iti umuna a distrito ken ti sabali iti maikadua a distrito idinto a nagyaman ken ni BFAR Regional Director Nestor Domenden gapu iti daytoy nga intedna para iti probinsia.

Maaramat dagiti patrol boat a pagpatrolia iti kabaybayan ti probinsia tapno adda pagkamat kadagiti mangngalap nga agiwayat iti illegal a panagkalap.

Immuna ngem daytoy, nangiwayat pay ti BFAR iti color coding kadagiti bangka tapno maammuan no ania a lugar ti paggapuan dagiti agbungbongbong iti kabaybayan iti probinsia.#