2 polis natay, 6 kakaduada nasugatan gapu iti kimat

MALIBCONG, Abra – Dua ti natay idinto nga innem pay dagiti nasugatan a polis gapu iti pannakakimatda idi lawasna iti daytoy nga ili.

Nainaganan dagiti natay a da PO1 Edison Gullugon, 24, baro, tubo iti Barlig, Mountain Province ken ni PO1 Brian Ayan idinto a nasugatan da Inspector Marvin Olowan, PO1 Shawn Guman Lumayna, PO1 Dexter Ocampo, PO1 Jonathan Cerna, PO1 Jeff Bashag ken PO1 Vergito Obliga.

Segun iti report, tartarimaanen dagiti polis ti antena ti base radioda idi nagkimat a puon ti nakatayan ti dua a polis ken nakasugatan dagiti innem a kakaduada.#