2 proyekto, napunduan iti R.A. 7171

CABUGAO, Ilocos Sur – Dua a proyekto ditoy nga ili ti napunduan babaen ti bingay ti munisipio iti excise tax ti tabako.

Inaprobaran ti sangguniang bayan ditoy ti appropriation ordinance nga agdagup iti P600,000 para iti pannakaipasdek kadagiti kabinet iti pagkarnean iti tiendaan publiko ken iti pannakaituloy ti pannakaipatakder ti barangay hall iti Barangay Turod.

Nailatang ti P300,000.00 para iti pannakaipasdek dagiti kabinet iti meat section kas kiddaw dagiti aglaklako iti karne nga adda koma lockerda a pakaikabilan dagiti gamitda.

Nailatang pay ti P300,000.00 para iti pannakaituloy ti pannakaipatakder ti barangay hall iti Barangay Turod.

Nagtaud dagiti pondo manipud iti bingay ti munisipio iti RA 7171.#