Footer

2 proyekto ni Cong. Ronald Singson, nainaguraran

CABUGAO, Ilocos Sur – Dua a proyekto ti nagsaganad nga inaguraran ni Congressman Ronald V. Singson ditoy nga ili idi Nobiembre 5, 2014.

Nagsaruno nga inanugararan ni Singson ti maysa a pasdek-pagadalan sadiay Barangay Lipit ken multipurpose building iti Barangay Nagsincaoan ditoy nga ili iti daytoy a petsa.

Binayabay dagiti municipal officials nga indauluan ni Mayor Edgar S. Cobangbang, Jr., ni Singson ti pannakainagurar ti three-classroom a building ti Lipit National High School ken iti panangimatang dagiti barangay officials, dagiti mangisursuro ken dagiti agindeg ditoy a barangay.

Kalpasanna, nainaguraran ti maysa a multipurpose building sadiay Nagsincaoan babaen met laeng kada Singson ken panangbayabay da Cobangbang, dagiti opisial ti munisipio, ken dagiti bumarangay.

Kinuna ni Singson a dakkel a nakaapektaran dagiti proyektona dagiti mapapati nga anomalia mainaig iti PDAF ngem innayonna nga adu latta ti mabirokan a pondo dagiti padana nga agilinlinteg no umasideg ken agkiddawda kadagiti nadumaduma nga opisina iti gobierno.#