2 pugon, nauram

CANDON CITY – Sumagmamano nga aldaw kalpasan ti pannakairugi iti panangselebrar iti Fire Prevention Month iti bulan ti Marso, dua a pugon ti nauramĀ  iti Banayoyo ken ditoy siudad idi Marso 2 ken 4.

Iti report a dimmanon iti polis ti Banayoyo, nauram ti pugon ni Henry Tomas, residente iti Naguimba, Banayoyo bayat iti panaglutoda iti tabako idi Marso 2.

Mapattapatta nga agpateg iti P90,000 ti pakadagupan dagiti dimmapo a tabako ken pugon.

Idi met Marso 4, nauram met ti pugon ni Marcelino Gaoat, residente iti Nagbalsaan, Balingaoan, ditoy ket mapattapatta nga agpateg iti P70,000 dagiti dimmapo.

Iti imbestigasion dagiti kameng ti Bureau of Fire Protection, naregreg a bulong ti tabako iti uneg ti pugon ti nakaigapuan nakaigapuan ti uram.#