2 rifle grenade, insuko ti trabahador

MAGSINGAL, Ilocos Sur – Dua a rifle grenade ti insuko ti maysa a trabahador iti polis ditoy nga ili idi agarup 10:00 ti bigat ti Disiembre 1.

Segun ken ni Felix Tapalgo y Jaramillo, 42, naasawaan, laborer, ken residente iti Barangay Manzante, ditoy nga ili, nasarakanna dagiti ekplosibo bayat ti panagtrabahona iti municipal dumpsite iti nadakamat a petsa.

Dagus a naipaima dagiti eksplosibo iti Explosive Ordnance Disposal, Ilocos Sur Provincial Police Office para iti umisu a disposision.#