2 sako nagango marihuana, nakumpiska

SUGPON, Ilocos Sur – Dua a sako a naglaon iti nagango a bulong ti marihuana ti nakumpiska dagiti polis ditoy idi malem ti Nobiembre 20.

Mapapati a naangotan dagiti suspek ti panagresponde dagiti polis ket imbatida lattan iti panaglibasda dagiti sako iti igid ti dalan sadiay Barangay Banga ditoy nga ili.

Saan a nakamatan dagiti polis dagiti di nabigbig a suspek.

Naipan dagiti nasamsam a droga iti police station para iti umno a disposision sakbay a naipaima iti crime laboratory office.#