2 school buildings, nainagurar

CABUGAO, Ilocos Sur – Dua nga school buildings ti nainaguraran iti Aragan Elementary School ditoy nga ili idi Septiembre 16, 2013.

Nainaguraran iti daytoy nga aldaw ti two-classroom building  ken maysa a kuarto a pasdek para iti kindergarten. Congressional funded ti immuna a building idinto a nagtaud iti Department of Education ti pondo para iti naud-udi.

Mismo a ni Gov. Ryan Luis Singson ti kangrunaan a sangaili iti pannakainagurar dagiti nasao a pasdek a tinabunuan dagiti municipal officials nga indauluan da Mayor Edgardo S. Cobangbang, Jr. ken ni Vice Mayor Deogracias Jose “DJ” H. Savellano.

Karaman kadagiti dimmar-ay iti nasao a pasken da Bokal Constante Oandasan, dagiti konsehal a pakaibilangan da SBM Danny Q. Gazmen,  Benedicto  Savellano,  Jayhan Alcid Tan;  Vicky Serna;  Josefina Vallejo;  Dodjie Santella;  Dr. Jemaima S. Tan-Yee ken Dr. Carlito S. Pano, dagiti barangay officials ken kameng ti media.

Impeksa ni Barangay Captain Modesto B. Ronque  ti panagyamanna kadagiti agtuturay gapu iti pannakaipatakder dagiti pasdek a pagkuartuan dagiti agbasbasa iti barangayna.#