Footer

2 sumangsango iti estafa, natiliw

PANGASINAN – Inaresto  itay nabiit ti nagtipon a grupo dagiti operatiba ti RID, PRO-1, Pangasinan PNP, ken Asingan Police Station ti dua nga opisial ti barangay a nakasaklang iti kaso nga estafa.

Nainaganan dagiti suspetsa a da Roger Velasco, 51, residente ti Poblacion East, Asingan ditoy ken Merla Faye Antonio Velasco, 26, naasawaan, ken residente ti Domampot, iti daytoy met laeng nga ili.

Sumangsango dagiti dua a barangay captains a kaduada ti nabutosan a bise mayor Mila P. Antonio iti met laeng Asingan iti kaso nga estafa.

Indauluan ni Police Senior Supt. Noli G. Taliño ti RID, PRO-1, ni PSSupt. Isagani Nerez, provincial director ti Pangasinan Police Provincial Office ken ti Asingan Police ti nagtipon a grupo dagiti operatiba a nangaresto kadagiti dua a suspetsa.

Naipaima dagiti dua a suspetsa iti BJMP Urdaneta city nga awan ti nairekomenda a piansada.