Footer

2 suspetsa a nagtakaw iti simbaan, nakasuan

MANAOAG, Pangasinan – Nakasuanen dagiti dua a security guard a nagtakaw iti maysa a simbaan ditoy nga ili idi Oktubre 2 iti baet a di pay natiliw dagitoy.

Nakasuan iti robbery da Sandy Soriano ken Cervantes Bogaoan, agpadpada a security guard, kalpasan nga intudo ida dagiti residente iti asideg ti Our Lady of Manaoag Church a rimmuar iti simbaan iti  panagtakaw idi Oktubre 2.

Naammuan iti inbestigasion dagiti polis a nagbalin dagiti dua a guardia iti nasao a simbaan ngem naggibus ti kontrata ti simbaan ken iti ahensia a pagpapaayanda idi Agosto daytoy a tawen.

Mapapati a saan a naluktan dagiti suspetsa ti kaha de yero ti kura paroko ti simbaan ket P1,500 laeng a naggian iti uyosen ti lamisaan ti kahera ti naitarayda.

Mabirbirok pay laeng agingga iti agdama dagiti suspetsa.#