2 tatadien a manok, natakaw

STA. LUCIA, Ilocos Sur – Nagpulong iti polis ni Celso Valdez y Pineda, 42, naasawaan, mannalon, ken residente iti Barangay Conconig East, ditoy nga ili, a natakaw ti manokna ket innaganna ti mannibrong a maysa nga Alfie Mercavan y Navarro, residente iti Barangay San Antonio, Sta. Cruz, Ilocos Sur.

Kinuna ni Valdez nga inreport kenkuana ti kaanakanna a ni Victor, 13, a nakitana ni Mercavan a nangikarga kadagiti dua a manok iti bag sa naglibas a nakasakay iti amarilio a motorsiklo.

Nakikoordinar dagiti polis -Sta. Lucia iti Sta. Cruz police station ket kaduada ti barangay kapitan a nagturong iti pagtaengan ti suspek tapno mapagsaludsodan daytoy.

Inannugot ti suspek nga innalana dagiti baud a manok.

Nupay kasta, nakiareglo ti suspek ket saanen nga agdarum pay ni Valdez.#