CANDON CITY –Â Dua nga ubbing ti nalamaw iti agburburek a danum sadiay Barangay San Nicolas ditoy siudad idi Enero 27 a puon ti nakatayan ti maysa.
Pimmusay ni Jingjing Gacutan, 2, bayat ti pannakatamingna iti ospital a nakaitarayanda ken ni Nicole a kasinsinna.
Grabe met ti pannakalamaw ni Nicole, 4, ket naiyalis iti ospital sadiay San Fernando City, La Union.
Segun iti report, pinanawan apagbiit ti di nainaganan a lola dagiti ubbing ta adda napanna ginatang.
Mapapati a kayat ni Jingjing ti bumaba manipud iti rabaw ti lamisaan a nakaidissuanna, isu a tinulongan ni Nicole ngem natuangda ket naipisokda iti agburburek a danum a puon ti nakalamawanda.#