Footer

2 ubbing, nasapgid ti motorsiklo

SAN ESTEBAN, Ilocos Sur –  Nasapgid ti maysa a motorsiklo ti agkabsat nga ubing a puon ti nakadunoranda.

Nabigbig dagiti biktima a da Krisept Bolaños, 11, ken ti kabsatna a Nathaniel, 3, agpada a residente iti Barangay San Pablo iti daytoy nga ili idinto a nainaganan ti nangdungpar kadakuada a ni Clifford Casilla, 30, residente ti San Nicolas ditoy met laeng nga ili. 

Segun iti inbestigasion, agdaldaliasat ni Casilla a nakalugan iti motorsiklo, addaan plaka ZF-1698, iti  highway a saklaw ti Barangay San Pablo idi agballasiw dagiti agkabsat ket agsipud ta nalingdanda iti nakaparking a trak, saan a dagus a nakita ida ni Casilla a puon ti nakasapgidanna kadakuada.

Nakaro ti sugat iti ulo ni Nathaniel ngem nagarumiadan laeng ti manongna ken ti drayber ti motorsiklo. (Danny Antalan)