20 agtagibalay, nagsanay iti bag making

VIGAN CITY – Agdagup iti duapulo a babbai ti nagsanay iti panagaramidan iti bag iti Vigan Skills Training Institute itay nabiit.

Segun iti trainor, naisayangkat ti nasao a pasanay tapno maikkan dagiti agtagtagibalay iti skills nga agaramid kadagiti bag a mabalinda a pagbalinen a negosio tapno adda pamataudanda iti kanayon a matgedan.

Nangrugi ti nasao a pasanay idi Mayo 5 ken naggibus idi Mayo 13.

Paset ti nasao a pasanay iti programa ti gobierno ti siudad nga idadauluan ni Mayor Eva Marie S. Medina tapno maikkan dagiti babbai iti kanayonan a pamastrekan.#