20 tatadien a manok, natakaw

SANTIAGO, Ilocos Sur. Duapulo a pakipallot a manok ti natakaw iti Barangay Imus ken Dan-ar ditoy nga ili idi Agosto 9, 2009.

Iti Barangay Imus, inreport ni Kapitan Gilbert Agbulos iti polis nga innem a pakipallot a manok ni Edwin Elefante ti natakaw.

Kabayatanna, inreport met da Dan-ar Barangay Kagawad Andres Blanze ken Barangay Tanod Reynaldo Blanze a natakaw dagiti sangapulo ket uppat a pakipallot a manok ni Modesto Ragum iti dayta met la a petsa.

Mapattapatta a tinakaw dagiti di nabigbig a mannanakaw dagiti manok iti rabii a nakaturogen dagiti akintaraken.

Segun iti report, dinadael dagiti mannanakaw ti alad dagiti dua a farm sada kinurimes dagiti teksas a manok.

Sakbayna, mapapati a maysa a puraw a van ti aglikoslikos iti asideg dagiti nadakamat a farm sakbay ti panagtakaw.#