Footer

20 wangwang, kinumpiska dagiti operatiba ti trapiko

VIGAN CITY– Nasurok a 20 a wangwang ti kinumpiska dagiti operatiba ti Vigan City Traffic Management Office manipud kadagiti nadumaduma a lugan a simrek ditoy siudad itay nabiit.

Naammuan ken ni SPO4 Fernando Quebral, hepe ti nasao nga opisina a nasuroken a 20 dagiti wangwang a kinumpiskada  kadagiti nadumaduma a lugan a simrek ditoy siudad kas paset ti panangipatungpalda iti awag ni Presidente Benigno “Noynoy” Aquino a pannakaiparit iti saan nga autorisado a pannakausar ti wangwang kadagiti luglugan.

Kinuna ni Quebral nga imbilinnan kadagiti traffic aides ti panangsiput ken panangkumpiskada kadagiti amin a nainstolar a wangwang kadagiti amin a pribado a luglugan a sumrek iti Vigan City.#