Footer

200 balay, nakabitan iti koriente

BANAYOYO, Ilocos Sur – Nalawagen ti pagtaengan dagiti marigrigat nga agindeg ditoy nga ili iti isasangbay ti Paskua agsipud ta nakabitandan iti elektrisidad.

Sumurok-kumurangen a 200 ti bilang dagiti pagtaengan dagiti marigrigat a napakabitan iti elektrisidad ditoy nga ili.

Mismo a ni Mayor Severino Galanga ti nangkita iti pannakaikabit ti elektrisidad iti barangay Lintic ditoy nga ili.

Kinuna ni Galanga a daytoy ti maysa kadagiti prioridad a programana agsipud ta adu dagiti kailianna a marigatan nga agpakabit iti silaw agsipud ta dakkel ti mabusbosda.#