2000 mangrove, naimula

CANDON CITY -Kas paset ti programa ti gobierno ti siudad ditoy a mangbiag iti karayan ken mangpaadu dagiti ikan, ninayonan dagiti opisial ken residente ti Barangay Paypayad ti siguden a nakamula a bakawan wenno mangrove iti karayan nga asideg iti baybay.

Segun kada Rose Areola ken Eric Gacutan, agdama a fishery technologist ken agricultural technologist iti City Agriculture Office, aganay 2,000 a bakawan, bankaw ken bakawan bato ti naimula iti karayan a sakup iti sitio Pating, Paypayad iti daytoy a siudad babaen ti pannakitinnulong ti City Agriculture Office, CENRO, DENR ken dagiti barangay officials ken bumarangay iti nasao a lugar. (Danny Antalan)