Footer

Multi-Line PGMA, mangrugin ti operasionna

VIGAN CITY – Mangrugi manen ti operasion ti Multi-Line Food Processing Plant a maawagan itan iti Multi-Line PGMA wenno Productivity and Growth Through Marketing Assistance.

Daytoy ti impalgak itay nabiit ni Dr. Enrie Mendoza, agdama a Provincial Planning and Development Coordinator ti Probinsia ti Ilocos Sur.

Inlawlawag ni Mendoza nga agbalin met a locator investor ti freeport economic zone a maipasdek iti sigud a Salomague Port iti Cabugao, Ilocos Sur.

“Magatangto amin a produkto iti kataltalonan tapno matulongan dagiti mannalon,” kinuna pay ni Mendoza. “Daytoy ket babaen ti barangay management no sadino a masanay dagiti barangay a kas economic manager tapno agballigi ti nasao a programa.”

Kinuna ti provincial planning and development coordinator a kangrunaan a katinnulong dagiti barangay ti National Tobacco Administration, Department of Agriculture, Department of Agrarian Reform ken Department of Environment and Natural Resources.

Inlawlawagna pay a dagiti mannalon ket makipartisipar iti makunkuna nga economic development.

Kinuna pay ni Mendoza a saan laeng a dagiti mannalon iti Ilocos Sur ti agsagrap iti nam-ay no di pay mairaman a mabenepisiaran dagiti manna-lon iti kaarruba a probinsia.

Comments are closed.