Footer

Negosiante, natakawan

NARVACAN, Ilocos Sur – Maysa a negosiante iti merkado publiko ditoy ti napukawan iti P8,000.00 a mapapati a linibas nga innala ti di am-ammo a kustomer.

Nabigbig ti biktima a ni Corazon Zoleta, 47, ken agnaed iti barangay Lungog iti daytoy met laeng nga ili.

Iti pulongna iti pulisia, kinuna ti biktima a naglaon ti walletna iti P8,000 ken nakakabil daytoy iti drawer iti uneg iti puestona iti tiendaan publiko ditoy.

Mapapati a natakaw ti kuarta ti biktima iti apagbiit nga iruruarna iti puestona.

Kabayatanna, maysa a lalaki ti nabagsol iti sanguanan ti inana idiay barangay Turod, daytoy nga ili.

Nainaganan ti biktima a ni Charlie Peralta, 40 , ken ti suspek a ni Marcos Reyes, 42, agpada nga agnaed iti nasao a barangay.

Iti inisial nga inbestigasion ti pulis, naammuan a magmagna ti biktima ken ti inana iti medio nasipnget a paset ti kalsada idi kellaat a nagparang ti suspek ket binagsolna ti biktima iti di ammo a rason.

Naitaray ti biktima iti Central Ilocos Sur District Hospital ngem naiyalis iti Gabriela Silang General Hospital gapu iti kinakaro ti sugatna.

Mapapati nga imon ti motibo ti pammagkong.

Comments are closed.