Footer

Pik-ap, napitpit ti sungona

SAN ESTEBAN – Kasla agong ti tao a napitpit ti sungo ti maysa a pick-up kalpasan a nakidinnungpar iti sabali a lugan iti barangay San Rafael iti daytoy nga ili.

Ti Nissan Frontier pick-up, addaan iti plaka nga XMB-688 ken kukua ti Toro Motors Corporation ket minaneho ni Henry Sola, 48 anios, residente iti Santa Cruz, Laguna.

Iti inisial nga inbestigasion ti pulis ditoy, agturturong iti abagatan a direksion ti pick-up idi maysa a saan a nabigbig a minibus ti nangala iti liniana, a nakaigapuan ti di pannaka-kontrol ni Sola iti manibela iti panangkabigna tapno agpaigid agingga a naidungpar iti sementado nga alad.

Nupay nakaro a nadadael ti lugan, awan met ti naan-ano kadagiti pahinante ti pick-up agraman ti driver.

Comments are closed.