Footer

Lalaki, binagsol ti ulitegna

CABUGAO, Ilocos Sur – Kullaapan ti arak ti nasimbeng a panagpampanunot a puon ti pagaramidan ti maysa a tao iti saan a nasayaat.

Daytoy ti napasamak iti maysa a barangay ditoy kalpasan a binagsol ti maysa a lalaki ti kaanakanna bayat iti kaaddana iti inpluensia ti arak.

Segun iti report, naggawid ni Bienvenido Paiste, 51, residente ti Baclig ditoy ket naglaawlaaw iti uneg ti pagtaenganda.

Rimmuar ni Mark Gatud, 21, naasawaan, ket pinadasna a pagtalnaen ti ulitegna. Ngem ad-adda ketdi a nagpungtot ti suspetsa ket binagsolna ti biktima.

Naitaray ti biktima iti Suero Clinic and Hospital para iti pannakataming iti sugatna iti tian.

Simmuko ti suspetsa iti kuerpo ti polis ditoy.

Comments are closed.