Footer

Naatap dagiti layap

sumkaden a paaramat dagidi layap
agpasgarda payen a kumusilap
no kasdiay a sumiag ‘toy riknak
a mangsunson iti antak dagidi a gasat.
tubngarek koma ti kinapaidamda
ta maalakon ti gumura
ngem no inda iparimrim rissik dagiti mata
agtayyek ‘toy riknak ket aprosakto met la
uray an-anuek nga ibinsabinsa
pannakadagil dagidi nagburayok a panaas
adayon a makamakamko, nakaliktad a tanda
saanen ngarud a makatil
apas dagidi layap a nasutil
tapno anamongan ni gasat
isasangbay ti kassangpet a kagantil.