Footer

Retirado a guardia, nabagsol iti runway, natay

VIGAN CITY – Maysa a retirado a security guard iti maysa a pagadalan ditoy ti natay kalpasan ti panangbagbagsol kenkuana ti kalugaranna a barangay kagawad.

Naideklara nga awanen ti biag ni Agustin Rapada, 65, balo, retired security guard ti University of Northern Philippines, residente ti Baragay San Pedro ditoy idi maidanon iti ospital gapu kadagiti sugatna a gubuay ti mapapati a panangbagsol kenkuana ni Erwin Arquelada, 46, baro, barangay kagawad ti nasao met laeng a barangay.

Segun iti inbestigasion, magmagna iti runway ti Mindoro airport ni Rapada, kaduana ni Carlos Ablog, kalugaranna, idi saeden ida ti kagawad ken di pay nabigbig a kakaduana ket binagbagsolna ti biktima.

Narekober dagiti nagresponde a polis ti lugan iti maysa a barangay road iti Mindoro iti sanguanan ti maysa a tienda.

Naglibas ti suspetsa a naglugan iti chopchop motorcycle kalpasan ti pammagsol ngem nagsurender met laeng iti polis. Naipilan ti kaso maikontra kenkuana iti city prosecutor’s office.

Mapapati a dati a susik ti motibo ti pammapatay.

Comments are closed.