Footer

Barangay captain, pinaltogan ti kagawad, natay

BURGOS, Ilocos Sur – Pinaltogan ti ABC president ken kapitan ti maysa a barangay ditoy a mapapati a napan nagprobokar iti lakonda a puon ti nakagudasan ti naud-udi.

Natay ni Paterno Directo, 52, naasawaan, barangay captain ti Rissing ditoy kalpasan a pinaltogan ni Rogelio Orpilla, Sr., 55, naasawaan, kagawad, residente iti nasao met laeng a barangay.

Segun iti report, mapapati a simrek ti barangay kapitan a nakaarmas iti cal. 9mm, nagpaputok iti asideg ti pagtaengan ti kagawad ken kinaritna ti suspetsa.

Innala ti kagawad ti riplena a baby armalite sana pinaltogan iti namin-adu a daras ti biktima a nakapuntaan ti tengnged, kannigid a matana ken likud daytoy.

Dagus a natay ti barangay kapitan ket naipan iti rural health unit para iti pannakaautopsiana.

Boluntario a simmuko ti suspetsa iti polis ket impaimana ti baby armalite nga addaan iti atiddog a magasin ken 24 rounds a live ammunition.

Nakarekobre dagiti polis iti lima a kapsula ti 5.56 mm, maysa a shotgun a nagmarka iti karatay taktik, ken pito a bala iti abay ti biktima, ken cal. 9 mm Taurus iti siket daytoy.

Dati a susik dagiti dua ti mapapati a motibo ti insidente.