Footer

5 police stations iti I. Sur, maikkan iti patrol car

BANTAY, Ilocos Sur – Lima a Toyota Altis ti manamnama a maited iti lima a police stations iti probinsia ti Ilocos Sur.

Daytoy ti naammuan ken ni PSSupt. George Regis, agdama a provincial director ti Philippine National Police ti Ilocos Sur.

“Adda lima a mobile vehicles a maideliber iti Region I, partikular iti Ilocos Sur,” kinuna ni Regis iti pannakiuman kenkuana ti DZTP ken Tawid News Magasin.

Kinuna ni Regis a maikkan iti saggaysa a mobile patrol car ti Bantay, Santa, Santiago, Santa Lucia ken San Esteban.

Nupay kasta, innayon ti provincial director a naitantan biit ti panakaited dagiti lugan ta mausarda pay iti maysa nga aktibidad idiay Manila. Manamnama a kalpasan ti nasao a programa, maideliberton dagiti lima a lugan kadagiti nasao a lima nga ili ti probinsia.

“Naiprogramamin para iti Bantay, Santa, Santiago, Santa Lucia ken San Esteban para iti nalawlawa a visible patrolling,” inlawlawag pay ti provincial director.

Comments are closed.