Footer

Gobierno probinsial, nangted iti tulong pinansial kadagiti OFWs a biktima ti gubat

VIGAN CITY – Sangapulo ket dua nga overseas Filipino workers a naggawid iti pagilian manipud iti Lebanon ti inikkan ti provincial government iti pinansial a tulong bayat ti selebrasion ti maikapito nga anibersario ti Ilocos Sur Hotline a naangay itay Agosto 26 iti DWRS ditoy.

Immawat iti sag-P10,000 da Anna Lorraine Segucio, Cuta, Vigan City; Florida Alones, Cuta, Vigan City; Precy Puerto, Tay-ac, Bantay, Ilocos Sur; Mary Grace Urbano, Tamag, Vigan City; Remelyn Gorospe, Barbar, San Juan, Ilocos Sur; Expedita Juliet dela Cruz, Barbar, San Juan, Ilocos Sur; Jeanneth Arguilla, Pong-ol, Vigan City; Jovy Tambuyat, Tamag, Vigan City; Merlita Marquez, Tamurong, Sta. Catalina; Aileen Paligutan, Cabugao, Ilocos Sur; Hylen Quitevis, Camangaan, Vigan City; ken Sharon Ruiz, Boguibog, Salcedo, Ilocos Sur.

Mismo a ni Gov. Luis “Chavit” Singson ti nangiyawat iti tseke kadagiti OFWs idinto nga impatalgedna a sisasagana ti Ilocos Sur Hotline a tumulong kadakuada iti tiempo a kasapulanda ti pannaranay.

Kinuna ni Nenet Alamar, special administrative personnel ti Ilocos Sur Hotline a dagiti 12 nga OFWs ti umuna a grupo nga inikkan ti gobierno probinsial iti tulong a pinansial tapno adda pagsammakedanda a mangabaruanan kalpasan ti pannakaipitda iti gubat iti Lebanon ken pannakaabuso a sinagrapda manipud kadagiti amoda.

Segun ken ni Alamar, malaksid kadagitoy 12 nga OFWs, adda pay 26 a taga-Ilocos Sur a nagawid gapu iti gubat iti Lebanon a pakairamanan da: Susan Prudencio, Balaleng Purok, Bantay, Ilocos Sur; Rosemarie Tab, Puro, Magsingal, Ilocos Sur; Merlita Ocemia Tagay, Puro, Magsingal, Ilocos Sur; Azucena Revibes, Busiing Centro, San Ildefonso, Ilocos Sur; Marielda Gavilan, Balaleng, Bantay, Ilocos Sur; Brigida Generose Pagador, Suksukit, Sto. Domingo, Ilocos Sur; Romelia Senen, Rancho, Santa, Ilocos Sur; Janette Cabuag, Lingsat, Sta. Maria, Ilocos Sur; Liberty Amigable, Pantay Fatima, Vigan City, Ilocos Sur; Julieta S. Olano, Suso, Sta. Maria, Ilocos Sur; Severina Karen Inong, Sta. Lucia, Narvacan, Ilocos Sur; Vivian Pescador, Sagpat, Bantay, Ilocos Sur; Encarlina Desono, Lubong, Burgos, Ilocos Sur; Myrna Afroilan, Nagsangalan, Vigan City, Ilocos Sur; Emma Tabisula, Nanerman, Sto. Domingo, Ilocos Sur; Rosemarie Bulseco, Rancho, Santa, Ilocos Sur; Lorna Tangonan, Cabangtalan, Sinait, Ilocos Sur; Twinkle Castillo, Puro, Magsingal, Ilocos Sur; May Ugalde, Puro, Magsingal, Ilocos Sur; Marites Barroga, Balaleng, Amianance, Bantay, Ilocos Sur; Elizabeth Barroga, Paratong, Vigan City, Ilocos Sur; Eloida Barroga, Paratong, Vigan City, Ilocos Sur; Emelda Alipio, Puro, Magsingal, Ilocos Sur; Roselily Prudencio, Banaoang, Bantay, Ilocos Sur; Monaliza Magno, San Pedro Sur, Vigan City, Ilocos Sur; Jennifer dela Cueva.

Mapattapatta nga agdagup iti nasurok a 30,000 dagiti Filipino nga agtrabtrabaho iti Lebanon ngem iti panagbettak ti gubat iti nagbaetan ti Hezbollah guerrillas ken ti Israel, nasurok a 5,600 a Filipino ti naggawid ditoy pagilian kalpasan ti panangibilin ni Pres. Arroyo ti pannakaibakuit amin nga OFWs a naipit iti gubat.

Nupay kasta, iti baet ti panangibilin ti turay iti agtultuloy nga evacuation dagiti OFWs, iti pannakaipakat iti ceasefire iti nagbaetan ti Hezbollah guerrilla ken Israel, mapattapatta a kaykayat dagiti Filipino ti agtuloy a mangged iti nasao a pagilian.

Sakbayna, kas pannakipagriknana kadagiti kailian a naipit iti hostilidad iti nagbaetan ti Hezbollah ken Israel, nangipasa ti sangguniang panlalawigan iti resolusion a mangited iti pinansial a tulong kadagiti OFWs a biktima saan laeng iti gubat, no di pay iti pannakaabusoda iti amoda.

Kinuna ni Bokal Jerry Singson a saklawen ti tulong pinansial dagiti biktima ti gubat ken dagiti naglak-am iti pannakaabuso kadagiti amoda.
“Adda dagiti OFWs a nasayaat ti nagsaadanda (iti Lebanon). Adda met dagiti madi ti nagsaadanda… biktimada la ngaruden iti gubat, biktimada pay iti maltreatment,” kinuna ni ti bokal idinto nga innayonna a “double murder” ti napasamak dagitoy.