Footer

2 nayospital gapu panagririda iti videoke bar

STA. MARIA, Ilocos Sur – Nasugatan ti dua a lalaki kalpasan a nagririda iti uneg ti maysa a videoke bar iti barangay Baliw Daya, ditoy.

STA. MARIA, Ilocos Sur – Nasugatan ti dua a lalaki kalpasan a nagririda iti uneg ti maysa a videoke bar iti barangay Baliw Daya, ditoy.

Nagkinnabil iti uneg iti De Guzman Videoke Bar da Joseph Advincula, 47, residente iti Poblacion Sur, ken ni Alejo Labrador, 65, residente iti Maynganay Norte, ditoy met laeng nga ili.

Iti inisial nga imbestigasion dagiti pannakabagi ti linteg, naammuan nga agiinum ti grupo ni Advincula iti nasao a videoke bar idi simmangpet ni Labrador ket iti awan aniaman a rason, dinanogna ni Advincula.

Bimmales ni Advincula ket indanogna ti maysa a botelia iti rupa ni Labrador.

Naitaray dagiti dua iti Reyes Clinic para iti panakaagas ti sugatda.