Footer

Gobierno probinsial, binigbigna nangabak iti 3rd Asean Quiz

VIGAN CITY – Inaprobaran ti Sangguniang Panlalawigan iti naudi a sessionda ti pannakaited iti pammigbig ken komendasion iti maysa nga estudiante iti maysa a pagadalan publiko ditoy a nangabak iti nasional a pasalip ti Asean Quiz itay nabiit.

VIGAN CITY – Inaprobaran ti Sangguniang Panlalawigan iti naudi a sessionda ti pannakaited iti pammigbig ken komendasion iti maysa nga estudiante iti maysa a pagadalan publiko ditoy a nangabak iti nasional a pasalip ti Asean Quiz itay nabiit.

Inanamongan ti hunta probinsial ti resolusion nga indatag ni Bokal Ronnie Rapanut a nangidagadaganna iti pannakaited iti cash incentive ken ni Jennifer Rebultan, agbasbasa iti Ilocos Sur National High School, agnaed iti Lubong, San Vicente, Ilocos Sur, gapu iti panangabakna iti umuna a gunggona iti 3rd Asean Quiz, national level, general information ken Math category.

Ibagian ni Rebultan ti pagilian iti Asean Quiz, international level, a maangay iti Kuala Lumpur, Malaysia inton Setiembre 16-18 daytoy a tawen.

Malaksid iti P30,000 a cash incentive, kinuna ni Bokal Jeremias Singson nga ibaklay ti gobierno probinsial ti tiket ti eroplano iti ipapan pannakisalaip ni Rebultan iti Malaysia.

Comments are closed.