Footer

Nasayaat kadi ti masansan a pannangan iti noodles?

KALAKAAN, kadarasan a lutuen. Daytoy ti noodles a pagay-ayat ti amin, babbaket man wenno ubbing. Ngem adda kadi pagsayaatan a maited ti noodles iti bagitayo?

KALAKAAN, kadarasan a lutuen. Daytoy ti noodles a pagay-ayat ti amin, babbaket man wenno ubbing. Ngem adda kadi pagsayaatan a maited ti noodles iti bagitayo?

Segun iti dua nga eksperto iti makan, saan a husto ti ibagbaga dagiti dadduma a madi ti noodles iti salun-attayo. Uray no kasta, maysa kadakuada ti nangted iti ballaag a saan a mangmangan ti instant noodles dagiti adda problemana iti salun-at kas dagiti kidney ken pusoda.

Inlawlawag ni Fely Velandria, Supervising Science Research Specialist ti Food and Nutrition Research Institute (FNRI), a fortified dagiti bitamina ti kaadduan kadagiti mailaklako nga instant noodles kadagiti supermarket, segun iti indikta ti Department of Health. Sungbat daytoy iti micro-nutrient malnutrision dagiti adu nga ubbing a Pinoy.

Binale-awan pay ni Velandria ti pammati ken buteng dagiti dadduma nga adu ti betsin wenno monosodium glutamate (MSG) ti instant noodles. Adda met betsinna dagiti natural a makan a kas ti kamatis ken uong. Adda iti porma a glutamic acid. Isu a dagiti makan nga adda kamatisna ket naim-imasda. Ti husto a nutrision ket addaan food balance, kantidad ken kalidad.

Kinuna ni Valencia nga uray ti itlog irekrekomenda dagiti nutritionists iti agdama kas inaldaw a kanen, a dati a kunada a nangato ti kolesterolna.

Nupay kasta, imbaga ni Valendria a saan unay a mangan iti noodles dagiti obese wenno nalulukmeg, addaan iti alta presion (high blood pressure) ken addaan historia ti sakit ti puso.

Imballaag met ni Feliza A. Roque, chief dietician ti Jose Reyes Memorial Medical Center (JRMC a dagiti adda alta presionna, sakit ti puso, ken sakit ti kidney ket saanda koma a mangan iti instant noodles. Mamati ngamin nga addaan iti adu nga asin daytoy a makan idinto a nangato met ti tabana dagiti dadduma.

Imbagana a ti panangikabil iti adu a danum tapno maikkatan ti adu nga asinna ti kapintasan a pannangan ti instant noodles. Mabalin pay nga ikkan kadagiti nadumaduma a nateng kas ti carrots, repolio, karabasa a nabaknang iti beta carotene.

Ti nasalun-at a dieta ket addaan iti nateng, karne, innapuy ken prutas, kuna ni Roque.

Comments are closed.