Footer

Vigan City sinelebraranna ti Heritage Cities Solidarity Day

VIGAN CITY – Malaksid iti Binatbatan ken Longganisa Festival ken ti pannakarambak ti Holy Week, maibilang metten ti World Heritage Cities Solidarity Day Celebration a maysa kadagiti kangrunaan a pasken iti daytoy a siudad.

VIGAN CITY – Malaksid iti Binatbatan ken Longganisa Festival ken ti pannakarambak ti Holy Week, maibilang metten ti World Heritage Cities Solidarity Day Celebration a maysa kadagiti kangrunaan a pasken iti daytoy a siudad.

Reprep dagiti tattao, residente, sangsangaili ken turista ti nagdudupudop kadagiti kalsada ditoy a nagbuya iti Repazzo de Vigan a naangay iti malem ti Sept. 8, aldaw ti Heritage Cities Solidarity Celebration.

Tampok a naipabuya ditoy dagiti nadumaduma a panawen a naglasatan ti Vigan City manipud idi sakbay ti isasangpet dagiti Kastila, tiempo dagiti Kastila, Amerikano, panangsakup ti Hapon iti Vigan agingga iti panagbalinna a naprogreso a siudad.

Nakipartisipar iti parada dagiti opisial ken empleado ti siudad, dagiti opisial ken residente dagiti nadumaduma a barangay a nakaaruat kadagiti pagan-anay a maiyannatup iti panawen nga ibagianda.

Iti programa sakbay ti parada, iti sanguanan ti UNESCO marker iti Plaza Encarnacion, pinatalgedan dagiti opisial ken empleado ti siudad ti commitmentda a mangaywan ken mangsaluad iti siudad kas sanikua ti sangalubongan.

Dagiti dadduma pay nga aktibidad a pangrambak iti World Heritage Cities Solidarity Day:

Sept. 4-8 – Visita Museo ken Balbalay. Nairusat met ti salip iti babaen ti Fotograpias de Recuerdo a naangay iti Vigan Cultural and Trade Center;

Sept. 6-7 – Comidas de Ayer iti Florentino Street;
Sept. 8 – Repazzo de Vigan parade ken Cultural Show iti rabii;
Sept. 9 – Pistang Pinoy a naangay iti Plaza Burgos
Sept. 10 – 1st Heritage Showdance iti Plaza Burgos

Tampok pay a pabuya a daydaywen dagiti sangaili ken turista ti Binatbatan Festival bayat ti panangselebrar ti Vigan City ti piesta iti Enero, ken ti Longganisa Festival a maang-angay iti pannakarambak ti May Festivities.

Iti pay Vigan City ti paborito a destinasion dagiti turista, lokal ken ganggannaet, iti panangrambak ti Simbaan Katoliko Romano iti Nangina nga Aldaw a pakaiprusisionan dagiti antigo a rebulto dagiti santo ken ti Karro ni Hesus.

Comments are closed.