Footer

Empleado ti Transco, nabagsol

SAN ESTEBAN, Ilocos Sur – Nabagsol ti maysa a junior lineman ti Transco babaen ti katrabahuanna met laeng iti daytoy nga ili.

Nainaganan ti biktima a ni Sosito Benzal, 22, residente iti Dardarat, Tagudin, Ilocos Sur, ket mapapati a binagsol ni Rolando Villanueva alias Bitoy, 34, contract worker ti Transco, natibo ti Mategoy, Silay City, Negros Occidental.

Naammuan a kagapgapu iti inuman ti biktima ken ni Richard Buentipo a katrabahuanna, ket idi asidegdan iti pagab-abanganda a balay, nalabsanda ni Villanueva agraman dagiti kakaduana nga adda iti plasa ti barangay.

Mapapati nga inakusaran ti biktima ni Ric Tanedo a nagilako iti aluminum wire a kukua ti Transco a puon ti nagsubangan ken panagdinnanogda.  Nakiraman metten  iti riri dagiti dadduma pay a kaduada a pakairamanan da Ed Tanedo ken Jovencio Fernandez. Mapapati a binagsol ti suspek ti biktima iti kannigid a barukongna.

Naitaray iti Central Ilocos Sur District Hospital ti biktima sa naiyalis iti Gabriela Silang General Hospital.

Comments are closed.