Footer

Inom, nagtungpal iti pammagsol

SANTA MARIA, Ilocos Sur – Naminsan pay, napaneknekan nga awan ti ipaay ti arak a nasayaat kalpasan a nabagsol ti maysa a lalaki babaen ti kinainumna.

Segun iti report, binagsol ni Jessie Escobar, 38, baro, agnaed iti Barangay Suso,  ni Benjamin Escobar, 49, kalugaranna, gapu iti dida panagkinnaawatan bayat ti panaginumda.

Iti inisial nga imbestigasion, naammuan a ti biktima ken masuspetsa ket naginomda iti pagtaengan ni Elpidio Tabuso ngem adda saanda a panagkinnaawatan a nagtungpal iti nabara a diskusion. 

Nagawid ni Jessie iti pagtaenganda ngem sinurot ni Benjamin sana prinobokar.

Nangala ti suspek iti kitchen knife ket ditan a dinuyokna ti tian ti biktima iti naminsan a daras.

Naitaray iti ospital ti biktima idinto a boluntario a simmuko ti masuspetsa kadagiti pannakabagi ti linteg.

Comments are closed.