Footer

Mangmangged iti Region I, maikkan 13/day wage increase

SAN FERNANDO CITY – Impakaammo ti Regional Tripartite Wages Productivity Board babaen ti Department of Labor and Employment, Regional Office a maikkan dagiti mangmangged iti Region I iti manipud P3 agingga iti P13/aldaw a wage increase kasta met a maitiponen ti Cost of Living Allowance (COLA) a P12 iti basic pay.

Segun iti maysa nga opisial ti nasao nga ahensia, no dakdakkel ti basic pay, dakdakkel met laeng dagiti benepisio nga awaten ti mangmangged kas iti retirement benefits.

Iti pribado a sektor, kadakkelan iti increase dagiti agtrabtrabaho iti bangko, konstruksion, real estate, renting, business activities ken commercial fishing ta P13 iti inaldaw ti maituon iti sueldoda.

Kinuna ti DOLE a dagitoy a sektor ti kadakkelan ti maited a wage increase agsipud iti dakkel a maitultulongda iti ekonomia ti Region I.

Uray dagiti agtrabtrabaho kadagiti tertiary care hospitals, umawatda iti P13/aldaw a wage increase idinto a P8.00 ti maituon iti basic pay dagiti adda iti secondary care ken P3.00 kadagiti agtrabtrabaho iti primary care ken klinika.

Umawat met iti kanayonan a P8.00 dagiti mangmangged kadagiti pribado nga educational institution, transportasion, storage, komunikasion, elektrisidad, gas ken danum, pagminasan, quarrying, manufacturing, hotel ken restaurants, wholesale and retail trade, agtartarimaan iti de-motor a behikulo, motorsiklo, personnel ken househould service activities ken kooperatiba.

Manayonan met iti P7.00/aldaw ti ganaren dagiti trabahador iti agrikultura, kuna ti RTWPB.