Footer

1 natay, 2 nasugatan iti aksidente

CANDON CITY – Natay ti maysa a lalaki idinto a nasugatan ti dua iti panagdinnungpar ti maysa a chop-chop ken XRM motorcycle  iti barangay San Nicolas.

Dead on arrival iti ospital ti biktima a ni Herald delos Santos, 25, maysa a factory worker, taga-Vintar, Ilocos Norte, ngem temporario nga agnaed iti Paypayad iti daytoy a siudad, idinto a nasugatan ti kaduana a ni Raymund Rous, 27, ken agnaed met laeng iti nasao a barangay, ken ti driver ti XRM a ni Ronald Bañez, 23, residente ti Oaig Daya, iti daytoy a siudad.

Iti inisial nga imbestigasion ti polis, naammuan nga agturturong iti abagatan a direksion ti chop-chop a motorsiklo a minaneho ni de los Santos idinto nga agpaamianan a direksion met ti XRM motorcycle a minaneho ni Ronald Bañez ket iti di naammuan a gapu,  nagdinnungparda iti tengnga ti kalsada.

Naitaray dagiti biktima iti Candon City Hospital para iti panakaagasda. Nakaro met ti  dadael dagiti luganda.

Agtultuloy ti imbestigasion ti pulisia.

Comments are closed.